اجري ياعبدو، هذه كانت اخر كلمة يتلفظ بها صاحب طريقة اختصار Alt Shift Ctr 8 الت شيفت كنترول تمانيه، في الفيديو الشهير فيديو الكيسة اللي بتشخر علي قناة ضيفكو علي اليوتيوب.
وفي لقاء خاص مع والد عبدو اللذي قال في نهاية المقطع " يلا يا إبن الكلب "
ولم ندري ماذا حصل بعد ذالك، لذلك قررنا السفر إلي قرية شنبارة الميمونة لكي نسأل الوالد بأنفسنا، وكان سؤالنا الأول كالآتي:
هل كنت تعلم ماذا يفعل أبنائك في صالة المنزل؟
وكانت الإجابة: طبعا لأ، دول ولاد كلب مهابيل وأنا هكسر الكمبيوتر علي دماغ أهاليم، كمبيوتر إيه هو عاد في كمبيوتر، دول فجروا الصالة ولاد الكلب.
والسؤال التالي: ماذا فعلت بعد أن تم تدمير صالة المنزل؟
وكانت الإجابة: طلعت ميتينهم ولاد الكلب، لاكن كان فيه مشكله وهي إن ميتينهم بعد ما طلعته كان أصفر، والمفروض إنه بيكون رمادي غامق، اه ما انا زمايلي بيطلعو ميتين عيالهم كتير وانا سائلهم وعارف.
والسؤال التالي والاخير مع والد عبدو: ما ذا كان رد فعل أم عبدو علي ما حدث؟
وكانت الإجابة: أم عبدو اه يا أم عبدو فينك وفين أيامك والله ولا يوم من أيامك يا أم عبدو ااااه " وبكي بكاءا شديدا "
فسألناه ماذا حدث لأم عبدو؟ هل توفيت ؟
فكانت الإجابة: لا دي بتصيف في جمصة وسايباني هنا مع ولادها المعاتيه والله لأطلع ميتين اللي جابوهم ولاد الكلب.
وهنا أدركنا أن أبو عبدو لا يؤخذ من كلامه فائدة، لذالك جلسنا مع أخو عبدو صاحب مقولة "إجري ياعبدو" وسألناه كيف حالك؟
فقال بخير والحمد لله، فسألناه ما رد فعلك بعد إنتشار المقطع علي السوشيال ميديا، وانتشار الكثير من الميمز حوله؟
فقال وهو يبكي، لكل مجتهد نصيب وانا كنت واثق مع إني كنت شاكك ولاكن ربنا نصرني، ثم طلب من أخته التي كانت تجلس بجانبنا أن تتوقف عن تخريط البصل لإنه جعله يبكي.
وفي اثناء حديثنا، قطع الحوار شخص يبدو كالمعتوه خرج إلينا من المكتبه كان يجلس علي الرف مكان التلفاز، وقال من أنتم؟ فقلنا له ومن أنت؟ وهنا صرخ فينا أخو عبدو، صرخة أصمت آذاننا وقال "إنتو مش عارفين مين دا" فقلنا وكيف نعرفه!
فقام والدموع تلمع في عيناه ولطش أخت عبدو بالقلم وقال بطلي تقشير البصل صفيتي ميتين أم عنينا، ثم توجه إلى الشخص الأبله ووضع يده علي كتفه وقال بكل فخر " دا الشهيد عبدو، إحنا محتفظين بيه "
وهنا هرولنا وخرجنا سريعا من البيت ابن العبيطه دا، ولاكن بعد أن تلقينا منكم طلبات كثيرة لإستكمال اللقاء الصحفي فقد قررنا إستكمال اللقاء، واعتبر السطر اللي فات دا ممسوح وكمل عادي يابرنس البرانيس، كنا وقفنا لحد فين؟
اه لحد الشهيد عبدو، المهم المره دي قررنا منروحش بيت عبدو لاكن هنتصل عليهم عشان يجولنا هما الاستوديو، وقررنا إننا هنتفق معاهم علي انهم يطلعوا معانا في حلقة خاصة علي التلفزيون.
وفعلاً اتصلنا بيهم، وكانت المكالمه كالآتي:
سكرتيرة الاستوديو» الو يافندم مساء النور
منزل عبدو : الو الو مين معايا، رد يابن كوم اللباوي، رد ياللي بتعاكس ياعلق، رد ياض لو راجل.
سكرتيرة الاستوديو» يافندم احنا مش بنعاكس، احنا قناة السويس تي ڤي، وعاوزين نعمل حلقة مع حضراتكم.
منزل عبدو : ايوه يعني عاوزين ايه!
سكرتيرة الاستوديو» يافندم بعد إذن حضرتك ياريت تفهمني، بقول لحضرتك عاوزين نعمل حلقة.
منزل عبدو : طب ما تعملوها وانا مال اللي خلفوني.
سكرتيرة الاستوديو» يافندييييييم يافنديييييم، اقول ايه تاني هو حضرتك مش فاهمني، ثواني هو دا منزل عبدو أصلا؟
منزل عبدو: عبدو مين! عبدو ابني؟ لأ دا مش بيته يا استاذه.
سكرتيرة الاستوديو» ازاي يافندم مش بتقول عبدو ابنك يبقي اه هو دا البيت، والنمرة صح.
منزل عبدو : لا يا باشمهنضظه، دا بيتي أني مش بيت عبدو، دا الواد لسه بخريته عاوزين تورثوه بيتي ياولاد ميتين الكلب، عاوزين تموتوني بالحيا، دا انا هروح فيكم السجن ياولاد عرق الباط المعفن، هنزل البلد هجيب الرجالة وهجيلكم ياولاد دغاديغ الكلب، بس انا معرفش مكان الاستوديو، مكان الاستوديو فين ياولاد الو***
" وهنا قررت السكرتيره غلق الهاتف وتقديم استقالتها من قناة السويس تي في"
وتم تسجيل المكالمة وعرضها علي حسن بيه، رئيس قناة السويس تي في ، ولاكن أصر على الحلقة، وقال " انا هروح ليهم البيت وهتفق معاهم علي كل حاجه "
وهنا قام مجلس الإدارة بالتصفيق الحار، وعيونهم تلمع وهم ينظرون إلي حسن بيه، اللذي سيغامر بنفسه من أجل تسجيل الحلقة " هو مش عشان الحلقة ولا حاجه، دا كلب فلوس والحلقة دي هتجيب ليه اعلانات موت "
المهم، خرج من المكتب وطلب تجهيز العربية وأمر بتحضير هدية قيمه ياخدها معاه وهو رايح لأهل عبدو.
وبالفعل خرج الشهيد حسن بيه من المكتب وإلي الآن وبعد مرور أكثر من شهر لم يتم العثور على حسن بيه منذ أن غادر مكتب القناة، والبحث جاري ...
سنوافيكم بالجديد حالما جد جديد .. وسيتم تحديث هذا المقال عند التوصل إلي أي أمور هامه حول هذا الموضوع.
تعليقات